اتفضلوا شاي

طبعا كلنا عارفين الشاي "وللا فيه حد مايعرفوش؟"
طبعا برضه الشاي النضيف مش شوية النشارة اللي عليها صبغة وخلاص
المهم اننا دايما نسمع الناس تقوللك ان الشاي ده مضر ومش لازم نشربه واللي يقوللك انا خلاص بطلت شاي كأن جنابه بطل مخدرات والموضوع غير كده خالص
كل الحكاية ان اشاي ده نبات محترم جدا واحنا بناخد منه الاوراق اللي فوق بس والبراعم وننشفه ونظبطه والشاي ده بقي فيه مواد فعاله زي الكافيين والثيوفللين والثيوبرومين
طيب الكافيين ده بيعمل ايه ؟
بينشط الجهاز العصبي " يعني بيفوق ويسهر" بس طبعا نسبته في الشاي مش كتيره
طيب الثيوبرومين ده ايه ؟
ده بقي بيعمل ادرار للبول
نروح للثيوفللين ؟
ده كمان بيعمل توسيع للشعب الهوائية يعني بيشيل ضيقة النفس
طيب ايه المضر في الشاي وللا هو كله فوايد وللا ايه؟
المضر انه فيه مادة اسمها التاننينات والماده دي عيبها انها بتعمل زي غشاء علي الامعاء من جوه يمنعها من امتصاص الحديد اللي في الاكل يعني زي مايدخل زي مايخرج وهو ده عيبه!!!!!!!
والحل طبعا عارفينه
اننا مانشربش شاي قبل او بعد الاكل مباشرة
يعني لازم نستني شوية كده لحد مالاحديد يمتص ويتظبط وبعدين نبقي نظبط دماغنا بواحد تي في الفيفتي
مش كده وللا اييييييييه؟

طبعا كلامك مظبوط
بس ياريت لو توضح الفرق بين الشاى الاخضر والشاى الاسود