بسم الله نبدأ

أنا فخور ان انا هكون صاحب ضربة البداية والانطلاقة في القسم ده
وان شاء الله نكون عند حسن ظن جميع الاعضاء "وال Admin طبعا "
أول موضوع النهارده ان شاء الله هي مشكلة بتواجه الشابات اللي استقبلوا اول مولود ليهم الا وهي مشكلة نقص اللبن الطبيعي في صدر الام
من أعظم التركيبات العشبية المفيدة في الموضوع ده وفعلا بتزود اللبن بشكل جيد :
الحلبة + الينسون + الشمر + البابونج + الشبت
طبعا كلنا يعرف الحلبة "بذور " واللي اسمها بالانجليزي Foenugreek
وطبعا كمان الينسون "ثمرة " واللي اسمه الانجليزي Anise
وكمان الشمر " ثمرة " اللي اسمه Fennel
والشبت "البذور" اللي اسمه Dill
اما البابونج "زهور" واسمها Camomile
وطبعا مش هننسي نعمل نشرة بسيطة عن الخواص ودواعي الاستعمال:
الخواص :
تنشيط افراز اللبن
تساعد في علاج سوء الهضم والانتفاخ والمغص واضطرابات الجهاز الهضمي
دواعي الاستعمال :
رئيسيا للأم المرضعة لزيادة افراز اللبن


ان شاء الله لو الموضوع عجبكم نكمل السلسلة ونكتب عن الكميات المستخدمة من كل عشبة وطريقة الاستعمال وعدد مرات الاستعمال في اليوم ............الخ
ونبدأ نعمل سلاسل علاجية عن معظم الامراض اللي العلاج بالاعشاب بيبقي فعال فيها ان شاء الله